![]() |
ИСТИНА |
Войти в систему Регистрация |
ИСТИНА ИНХС РАН |
||
Мубрамии мавзӯи диссертатсия. Мақсад аз парвариши гулмоҳӣ дар системаи бассейн – ба даст овардани фоида ва бо ғизои муфид таъмин намудани аҳолӣ аст. Арзиши аслии гулмоҳӣ ба ҳиссаи хароҷоти молиявии хоҷагии моҳипарварӣ дар дастрас намудани ғизои омехтаи сунъӣ ва ташкили оқилонаи раванди моҳиғизодиҳӣ вобаста мебошад. Раванди ғизодиҳиро вақте комилан дуруст ба роҳ мондан мумкин аст, ки агар он бар пояи илмӣ устувор бошад. Дар мавриди илман идора кардани раванди моҳиғизодиҳӣ, метавон дар мавсими парвариш массаи биологии фардии гулмоҳиро аз 25-30 г то ба 250-300 г расонида, онро ба моҳиҳои молӣ табдил дод, ки ин аз мубрам будани мавзӯи таҳқиқоти диссертатсионӣ далолат медиҳад. Ҳадафи таҳқиқот – сохтани афзори таҳқиқотии компютерӣ барои тасвир, омӯзиш, таҳлил ва идоракунии марҳилаҳои ҳаёти гулмоҳӣ ва муайян намудани қонуниятҳои фаъолияти он дар системаи бассейни моҳипарварӣ бо сикли дусолаи парвариш. Объекти таҳқиқот – гулмоҳии системаи бассейни моҳипарварӣ бо сикли дусола. Мавзӯи таҳқиқот – амсиласозии компютерии марҳилаҳои ҳаёти гулмоҳӣ барои системаи бассейни моҳипарварӣ бо сикли дусолаи парвариш.